رسولنا يا ناس صاحب السجده
الشفيع العام صاحب النجده
شفاعة بها فالحساب يقوم
شفاعة لطه سيد القوم
ويؤذن ليهو بعده نقوم
بعد الروح وصلت الحلقوم
شفاعة كمان الف في سبعين
بغير حساب غير منتظرين
في الجنات يلقوا حورا العين
وبي افراح رحمه منطبعين
شفاعة تنال واقف الاعراف
ومن نيران الجحيم صراف
وتنقذ ليهم من اسراف
نبينا حبيبنا ليهم كاف
في الجنات سيدي لينا رجاة
شفاعة كمان ترفع الدرجات
شفاعة سيدي في الجنات
يا صالحين زيدوا سيدي صلاة
شفاعة اكيدة للمختار
بتمنع ناس من دخول النار
يا مشفوع الحبيب يجار
وراضي ومرضي للجبار
شفاعة قوية ليها اساس
تخرج من ام جحيما ناس
بعد ما ضاقوا حر الباس
ويدخلوا في جنة الاعراس
وتخفيفات عذاب في النار
وقولوا معايا بئس الدار
ويا رحمانا ربي البار
وربنا جارنا نعم الجار
شفاعة دخول كافة الجنات
وللشايلين ليها تاشيرات
صلي يا ربي آلاف ميات
على الارسلتو لينا نجاة
0 التعليقات
إرسال تعليق